Ненэциеˮ автономной иле ядо՚ Ненэця Падро՚ яляˮ ваераˮ
Сертавыто՚ манзаиˮ «Сохранение и развитие ненецкого языка в НАО» заседания сюртяв стол՚ малхана тасламбиць. Пыдо՚ нюбета А. И. Пичков Ненэцие еркы библиотекахана ёльцевыць.
Серкана серопалаваˮ я՚ нидёва , научной ӈомдёдаˮ, профильной нермбэрмаˮ няби иˮликамдедаˮ округнаˮ иленяˮ ненэця՚ вада еˮэмня няркомбадаˮ таранам՚ мэˮмыдонзь.
— Тюку яля՚ иˮликамдедаˮ хибяриˮ маˮлавыдˮ. Пыдо՚ ненэця вадам՚ нерня՚ пэрмандо՚ няби хибиˮ нямна няркомбиˮ. Сяӈадм՚, ненэця вада хаёвы похот тянёвна сось пяда, ӈамгэда ӈодˮ мал՚ тамна ёпэй ни ӈаˮ. Маняˮ окружной ватоваˮ таня, тикыда нядˮмаӈэ няби вадам՚ тяха՚ минреваӈэ хамады. Тикы хавна выӈгана ненэця вада со: мяд՚ ӈэсыˮ ненэця вадавна лаханаˮ, ялэмдад՚ миндаˮ няюна тымбэртяˮ ӈысма вадавна лаханаˮ, — окружной собраниян՚ тэравы Матвей Чупров сэвтевыдась.
Нюртеˮэ повестка՚ заседанияхана хариˮ вадаˮ няби паднаниˮ падвыˮ Россия хибиˮ Федеральной олимпиада серˮ ӈокдадам՚ таслаць.
Фото: Екатерина Эстер/НАО24